Doade, 19 de abril de 2025.
LerEn 2020, a empresa Recursos Minerales de Galicia, S.A., presentou un proxecto para establecer unha mina de litio no monte comunal de Doade. Aquel proxecto, envolto en secretismo e irregularidades, recibiu a oposición maioritaria e expresa da AV de Doade e da CMVMC da Lamacega e o Besticovo, así como da veciñanza e as comunidades de montes dos lugares afectados pola concesión.
Hoxe, cun novo proxecto presentado por parte da mesma empresa, no mesmo lugar, as asociacións veciñais, comunidades de montes, e veciños e veciñas individuais que abaixo asinamos queremos declarar, máis unha vez, o noso rexeitamento total ao proxecto de “MINA DOADE” e, en xeral, a este tipo de explotacións mineiras nas nosas serra do Suído e do Seixo.
Pedimos públicamente ao alcalde de Beariz, D. Manuel Prado López, e á Corporación Municipal, que nos escoiten, que entendan a nosa vontade e exerzan o papel de representantes para o que foron elixidos. Que non dean apoio de ningún tipo ao establecemento desta empresa no concello, que expoñan a súa oposición e, en definitiva, que estean do noso lado neste proceso.
Facemos extensiva esta chamada a D. Antonio Montero, alcalde de Avión; D. David Carrera Cal, alcalde da Lama; Dna. Verónica Pichel Guisande, alcaldesa de Forcarei; e D. Jorge López Cubela, alcalde de Cerdedo-Cotobade, así como ás respectivas corporacións municipais. Este proxecto pretende ser a punta de lanza para a entrada da minería nos nosos concellos. O que aconteza en Doade determinará o futuro das serras do sur da Dorsal Galega.
Non queremos mina en Doade. Queremos unha vida honrada, tranquila, digna e saudable na nosa terra. Axúdennos a defender o noso monte, as nosas comunidades, as nosas serras. Fágano público. Estean connosco.
Esperamos resposta
PecharBeariz, 25 de marzo de 2025.
LerA plataforma SOS Suído Seixo, Mina Alberta NON, reacionou de inmediato ante a decisión feita pública hoxe pola Comisión Europea de designar o proxecto extractivo da mina de Doade, como “proxecto estratéxico europeo”. Esta designación eximirá a empresa RMG do grupo SAMCA de respectar certas normas medioambientais dando carta blanca para contaminar masas de auga e danar os espacios naturais protexidos próximos. Ademáis, forza unha tramitación exprés das autorizacións, que socava o procedemento de avaliación de impacto ambiental e os dereitos de participación da cidadanía.
Por estes motivos, dende a plataforma anuncian que xa están traballando nun recurso de revisión interna ante a Comisión Europa, como paso previo a levar o caso ante o Tribunal de Xustiiza da Unión Europea. Denuncian ademais a absoluta opacidade coa que se levou a cabo o outorgamento deste estatuto, non só non permitindo a participación pública se non impedindo ademais o acceso á documentación presentada pola empresa e aos informes encargados pola Comisión.
Tanto a Comisión Europea como o “Ministerio para la Transición Ecológica y Reto Demográfico”, que tiñan dereito de vetar a candidatura pero non o fixeron, denegaron as solicitudes de información, argumentando un suposto “segredo empresarial”. Pero SOS Suído Seixo considera que detrás da negativa está a existencia de datos falsos e omisións, que serían motivo para retirar o estatuto de proxecto estratéxico.
O recurso en preparación exporá precisamente o amplo historial de malas prácticas da mineira. Entre estas malas prácticas e impactos previstos, referimos o caso de estudo de Alberta I do MINOB (https://www.minob.org/espanol/mina-alberta-I.html) e o informe (https://www.tierra.org/wp-content/uploads/2025/03/Proyestos_estrategicos_materias_primas.pdf) elaborado por Amigas da Terra e Ecoloxistas en Acción presentado en Decembro do ano pasado ante a Comisión.
Nel destacábase a fragmentación artificial do proxecto, a omisión no 2020 de someter o proxecto á avaliación de impacto ambiental, os impedimentos da participación pública, a falta de transparencia, a posible afectación dos recursos hídricos, afectación ao ZEC Serra do Cando e á Serra do Suído así como unha agresiva campaña para conseguir a aceptación social levada a cabo entre Setembro e Decembro de 2024 polas empresas Deloga e Bannister Global, contratadas por SAMCA.
Denuncian ademais que o Regulamento de Materias Primas Fundamentais outorgará acceso privilexiado a fondos públicos, financiando deste modo unha destrución sen precedentes, e convertindo o territorio nunha “zona de sacrificio”. De feito, o estado español é o estado europeo con máis candidaturas de proxectos estratéxicos extractivos (10 en total), fronte a tan só 1 proxecto de reciclaxe. Se ademais sumamos os proxectos de Portugal, a Península Ibérica representa máis do 30% de tódolos proxectos extractivos presentados.
Engaden tamén á denuncia que dende a Xunta de Galicia, aínda non se deu traslado da documentación do proxecto “Mina Doade” e da solicitude de concesión de explotación nin da solicitude de prórroga do permiso de investigación mineiro Alberta I, presentado pola empresa hai mais de dous e tres meses respectivamente. As comunidades locais afectadas e recoñecidas como partes interesadas pola administración, solicitaron en numerosas ocasións toda a documentación relativa á actualización do expediente Alberta I, pero a pesar da insistencia non obtiveron resposta.
Fronte a esta situación “neocolonial”, anuncian novas movilizacións conxuntas con outras plataformas e colectivos doutros territorios, para dar unha resposta social e xudicial a esta decisión profundamente inxusta, opaca e antidemocrática.
“SOS Suído-Seixo | Mina Alberta Non”, nace co obxectivo de informar á poboación, establecer colaboracións con outros colectivos, canalizar as ideas e reclamacións da veciñanza e para levar a cabo accións coordinadas entre as comunidades afectadas ante a preocupación suscitada pola solicitude de concesión de explotación mineira Alberta I por parte da empresa Recursos Minerales de Galicia, S.A.
O obxectivo principal da plataforma é a posta en valor do seu patrimonio natural e cultural e a defensa do territorio das Serras do Suído e Seixo e zonas limítrofes fronte ós proxectos e Permisos de Investigación de minaría existentes (Alberta I, Alberta II, Macarena, Carlota, Maite etc) e fronte a outras accións que o ameacen.
Ante a falla de información clara para a veciñanza e para as persoas interesadas sobre as pretendidas explotacións mineiras por parte das administracións competentes, unímonos e dicimos NON Á MINA polas seguintes razóns:
A febre do litio ameaza moitas partes do mundo. Mentres o cambio tecnolóxico promove máis explotacións o crecente movemento contra a minaría une as súas forzas ao largo e longo dos continentes. Nun instante histórico onde a protección e restauración dos ecosistemas é o máis importante, a febre do litio camiña en dirección contraria. A solución á creación de máis proxectos mineiros pasaría polo cambio de modelo de consumo e produción, enfocándose cara o desenvolvemento sostible e o consumo responsable. A pregunta é clara: este é o camiño cara a unha verdadeira transición ecolóxica?
Non á Mina! Si á vida! Defende o noso monte! Defende a nosa terra!
O experto e referente en hidroxeoloxía volveu a Galiza para tratar coas veciñas do municipio ourensán de Beariz algunhas reflexións crítitcas coas que enfrontarse ao potencial proxecto mineiro.
Ante a falta de información clara e transparente por parte da empresa mineira que pretende abrir unha mina no lugar de Doade, no concello ourensán de Beariz, a veciñanza organizouse para acudir a un experto internacional independente. Trátase do doutor Steven Emerman, experto en xeofísica con 31 años de experiencia e máis de 60 publicacións científicas que, ademais, traballou como consultor independente tanto para empresas mineiras como para organismos públicos.
Esta radionovela, producida pola boa xente de @radialistasnet e @rosaluxandina conta a historia dunha aldea dos Andes onde a vida dos veciños e veciñas transcorre tranquila, ata que unha corporación descubre o tesouro que a terra alí agochaba.